Ang pagkalat ng mga nabanggit na sakit sa Gaza ay tumindi, lalo na dahil sa kamakailang laki ng bilang ng mga mamamyang Palestinong lumikas mula sa buong katimugan ng Gaza at ang pangangailangan para sa ilang mga pamilya na lumipat ng ilang beses, iniulat ng Xinhua na binanggit ang pahayag ng OCHA noong Sabado.
Idinagdag pa ng ahensya, na ang sitwasyong ito ay nagpapataas ng presyur sa nasobrahan nang sistemang pangkalusugan ng mga Palestino, na nagpupumilit na matugunan ang napakalaking pangangailangan ng populasyon sa panahon nang karamihan sa mga ospital sa buong Gaza strip ay wala sa serbisyo.
Ipinaliwanag din nito na halos 180,000 katao na ang dumaranas ng mga impeksyon sa itaas na respiratoryo, habang mayroon ding 136,400 na kaso ng pagtatae, na ang kalahati sa kanila ay naiulat sa mga batang wala pang limang taong gulang.
Samantala, may 55,400 din naman ang nagkaroon ng scabies, 5,330 ang may bulutong-tubig, habang may 42,700 na rin ang mga nakakaranas sa skin rashes, at may 126 pas rin ang may mgas kaso ng meningitis.
Tinukoy ng pahayag na may 1.9 milyong katao na rin sa Gaza, o humigit-kumulang ng 85 porsiyento ng buong populasyon, ang naging internally displaced, kabilang na dito ang mga napipilitang madalas na lumipat upang maghanap ng kanlungan.
Idinagdag pa nito, na ang kakulangan ng pagkain at kaligtasan ng mga bagay at mahinang kalinisan ay nagpapalala sa mahirap na kalagayan ng pamumuhay sa mga lumikas at nagiging sanhi ng pagkalat ng mga sakit.
Nagbabala din ang World Food Program ilang araw na ang nakakaraan, na ang mga Palestino sa ikinubkob na enclave ay nahaharap na rin sa ikalimang yugto ng pinaka-matinding kawalan ng katiyakan sa pagkain at ang panganib ng taggutom ay tumataas araw-araw sa gitna ng tumitinding labanan at paghihigpit sa makataong pag-access.
Ang Israel ay naglunsad ng brutal na digmaan laban sa Gaza noong Oktubre 7 matapos ang Palestinong resistance movement ng Hamas ay nagsagawa ng isang makasaysayang operasyon laban sa sumasakop na entidad bilang tugon sa mga dekada na karahasan ng mga rehimeng Israel laban sa mga Palestino.
Mula nang magsimula ang agresyon, ang rehimeng Tel Aviv ay pumatay ng hindi bababa sa 21,500 mga Palestino, karamihan sa kanila ay ang mga kababaihan at mga bata, at ikinasugat ng 55,600 iba pa.
Ang rehimeng Tel Aviv ay nagpataw ng isang "ganap na pagkubkob" sa teritoryo, pinutol ang gasolina, kuryente, pagkain, at tubig sa mahigit sa loob ng dalawang milyong mga Palestino na naninirahan doon.
............................
328