Ayon sa ulat na iniulat ng Ahensyang Pandaigdigang Balita ng Ahl al-Bayt (sumakanila nawa ang kapayapaan) -: Balitang ABNA :- Nilusob ng mga armadong pwersa ng Israel ang al-Shifa hospital sa syudad ng Gaza, gamit ang mga tangke at drone, pinaputukan din ang mga tao nakikita doon sa loob ng complex.
Sinabi ng tanggapan ng media ng gobyerno sa Gaza, na ang pagsalakay, na isinagawa nang maaga noong Lunes, ay nagdulot ng takot at gulat ang libu-libong mga pasyente, mga kawani ng medikal at mga lokal na Palestinong lumikas, at nagbanta na rin laban sa kanilang mga buhay.
Ang bagong krimen sa digmaan ay "idinagdag sa pinakamatinding maitim na rekord ng mga hukbong pananakop ng Zionista, na gumagawa pa rin ng iba't ibang mga krimen at masaker, at nagpapatuloy... upang alisin ang sektor ng kalusugan at sirain ang mga ospital" sa kinubkob na Gaza Strip, sinabi nito.
Sinabi din ng Ministri ng Kalusugan sa Gaza, na humigit-kumulang nass 30,000 katao na, kabilang na dito ang mga lumikas na mga sibilyan, mga sugatang pasyente at mga kawani ng medikal ay nakulong sa loob ng ospital.
Sinabi pa ng ministeryo ng Kalusugan, na sinumang "nagtatangkang gumalaw ay tinatarget ng mga live na bala ng mha Zionistang snipers at quadcopter drones nito".
Inihayag din ng mga militar ng Israel, na ang mga tropa nito ay "nagsasagawa ng mataas na katumpakan na operasyon" laban sa ospital ng al-Shifa laban sa tinatawag nitong "senior fighters daw ng Hamas ang malakingposibilidad ay naroroon sa loob ng al-Shifa Ospital."
Tinuligsa naman ito ng Ministri ng Kalusugan sa Gaza ang pag-atake ng mga Zionistang mananakop bilang isang tahasang paglabag sa internasyunal na makataong batas at sa Fourth Geneva Convention, na nagsasabing ang mga hukbo ng rehimeng Zionista ay gumagamit ng mga gawa-gawang salaysay upang bigyang-katwiran ang pag-uugali nito laban sa kanilang mga kagustuhang gawin.
Hinimok din naman nito ng internasyonal na komunidad na kondenahin ang raid, na nanawagan sa UN para makialam upang protektahan ang ospital at ang mga nakulong sa loob nito.
Sinabi pa ng Ministro ng Kalusugan, na isang sunog ang sumiklab sa pasukan ng medical compound, na kung saan nagdulot ito ng mga kaso ng inis sa mga kababaihan at sa mga pasyenteng bata sa loob ng kompleks.
"May mga naiulat na rin nasawi, kabilang ang mga pagkamatay at pinsala ng nasabing complex, at imposibleng iligtas ang sinuman dahil sa tindi ng sunog at pag-target sa sinumang papalapit sa mga bintana," dagdag nito.
Kaya, nanawagan na rin ang ministeryo sa lahat ng mga internasyonal na organisasyon na "kaagad makikialam para matigil kaagad ang karumal-dumal na Israeli massacre na ito laban sa mga may sakit, mga lokal na mamamayang Palestino pasyente, mga sugatan, mga lumikas na mga pamilya, mga bata at mga kababaihan, at mga medikal na kawani sa loob ng al-Shifa Hospital".
..........................
328