Ayon sa ulat na iniulat ng Ahensyang Pandaigdigang Balita ng Ahl al-Bayt (sumakanila nawa ang kapayapaan) -: Balitang ABNA :- Ang pagpapalawak ng anino ng digmaan sa rehimeng Israeli sa nakalipas na pitong buwan ay nagkaroon ng napakalaking negatibong epekto sa ekonomiya para sa karamihan ng mga Israeli. Samantala, isa sa pinakanaapektuhang sektor dito sa bansang Israeili ay ang turismo, na kung saan naparalisa ayon sa iba't ibang umuusbong mga ulat.
Ang katotohanan ay ang isa sa mga pangunahing mapagkukunan ng kita at sirkulasyon ng ekonomiya sa Israel ay industriya ng turismo.
Ayon sa website ng OECD-iLibrary.org, noong 2022, direktang umabot sa 2.8 porsiyento ng GDP ang turismo at humigit-kumulang nasa 2.5 ng lahat ng mga trabaho, na kinabibilangan ng 141,000 direktang trabaho at 230,000 kabuuang mga trabaho na nauugnay sa turismo na humigit-kumulang nasa 6 porsiyento ng kabuuang bilang ng mga populasyong may trabaho. Gayundin, ang mga kita mula sa internasyonal na turismo ng Israel ay sinasabing humigit-kumulang nasa $5.8 bilyon, na katumbas ng 5 porsiyento ng mga kabuuang halaga ng mga pag-export ng Israel.
Noong 2022, muling tumaas ang bilang ng mga turistang bumibisita sa mga sinasakop na teritoryo, na umabot sa 2.6 milyong katao pagkatapos ng pag-urong na naranasan ng sektor sa mga taon ng pagsiklab ng coronavirus. Habang ang Israel ay nag-host ng 4.1 milyong dayuhang turista noong 2018, ang bilang na ito ay umabot sa 4.5 milyong katao sa pinakamataas nito noong 2019.
Gayunpaman, ang industriya ng turismo ay tumanggi nang husto pagkatapos ng Oktubre 7 at ang kasunod na digmaan sa Gaza.
Ang digmaan at ang mga negatibong epekto nito ay nakaapekto sa hilig ng mga dayuhang turista para bumisita sa mga sinasakop na teritoryo dahil, sa katunayan, seguridad, ang pinakamahalagang pangangailangan ng mga turista. Ang isyung ito ay higit na mahalaga pagdating sa mga teritoryo kung saan mayroong Al-Quds at ang banal na Al-Aqsa Mosque dahil sa kanilang relihiyosong kahalagahan.
Sa mga araw ng digmaan, hindi bababa sa 25 mga Amerikanong turista ang napatay. Hiniling ng Israeli foreign ministry, na ang mga Amerikanong manlalakbay na "muling isaalang-alang" ang kanilang paglalakbay sa Israel at West Bank at pinayuhan silang "huwag na muna maglakbay" dahil sa "terorismo, kaguluhang sibil at mga armadong salungatan" sa Gaza Strip. Ang sitwasyon para sa mga turista sa Israel ay nananatiling mapanganib at nasusunog.
Ipinapakita naman daw ito ang istatistika na 58,600 turista lamang ang bumisita sa Israel noong Enero, na kumakatawan sa 77-porsiyento na pagbaba kumpara sa 257,400 turista na bumisita sa Israel sa parehong buwan noong nakaraang taon. Ayon sa buwanang mga numero na inilathala ng Central Bureau ng Statistics (CBS) ng Israel, 500 isang araw lamang na pagbisita sa Israel ang naitala noong Enero, isang 96 porsiyentong pagbaba kumpara sa 14,000 noong Enero 2023.
Gayundin, mas kaunting mga Israeli ang naglalakbay sa ibang bansa, at karamihan sa mga internasyonal na airline ay hindi pa nagpapatuloy sa serbisyo sa Israel.
Noong Enero 2024, 281,400 Israelis ang naglakbay sa ibang mga bansa, na nagpapakita ng pagbaba ng mahigit sa 50 porsiyento kumpara sa 611,100 noong Enero 2023.
Noong nakaraang buwan naman, naglabas ang CBS ng taunang data ng turismo para sa 2023, na nagpapakita ng matinding pagbagsak sa katapusan ng taon dahil nagsimula na ang digmaan sa pinaka-abalang quarter ng turismo ng taon, na kinabibilangan ng mga pista opisyal ng Pasko.
Matapos magsimula ang digmaan, maraming mga internasyonal na airline ang sinuspinde ang kanilang mga flight papunta sa rehimeng Israeli at marami sa kanila ang hindi pa naipagpatuloy ang kanilang mga serbisyo. Isang araw pagkatapos ng operasyon noong Oktubre 7 na inilunsad ng Hamas bilang pagganti sa mga kalupitan ng Israel sa mga sinasakop na teritoryo, ang Israeli ministry of tourismo ay nag-utos na para ihinto ang mga aktibidad ng mga paglilibot, na nagtuturo sa mga turista na manatili sa mga hotel o cruise ship at yate.
Bagama't nananatiling bukas naman ang Ben-Gurion Airport, ilang mga airline ang huminto sa kanilang mga flight patungo sa mga sinasakop na teritoryo. Maraming mga hotel ang isinara o abala sa pagbibigay ng mga serbisyo sa pagtulong. Gayundin, ang mga likas na atraksyon, makasaysayang mga lugar, at pambansang parke ay isinara at ang mga cruise line ay umalis sa mga daungan ng Israel.
Gayundin, ang krisis sa paggawa ay nakaapekto ito sa sektor ng turismo. Ang pagtakas ng ilang libong mga dayuhang manggagawa, ang pagsasara ng mga pabrika, ang pagtakas ng dayuhang pamumuhunan, gayundin ang pagtindi ng migrasyon ng mga settler at propesyonal na uri, kabilang ang mga doktor, ang naglantad sa sektor ng serbisyo sa pagbagsak.
Si Inbal Baum, isang hotelier at may-ari ng isang kumpanya ng paggawa ng pagkain sa Israel, ay nagsabi, na ang mga restawran ay hindi maaaring magbukas muli sa ngayon dahil ang kanilang mga empleyado ay ganap na tinawag upang maglingkod sa hukbo. Idinagdag pa niya, na ang lahat ng mga chef sa buong sinasakop na mga teritoryo ay naglilingkod lamang para sa hukbong sandatahang Lakas ng Gobyerno ngt Israel.
Si Leon Avigad, isa pang Israeli hotelier, ay nagmumungkahi na siya ay nahihirapan sa posibilidad ng mga hotel na sarado nang mahabang panahon. Kalahati ng 27 hotel ng kanyang brand, ang Brown Hotels, na nasa Al-Quds, Tel Aviv, at Greece ay isinara na rin at maaaring magastos ng milyun-milyong shekel upang muling mabuksan kanyang mga hotels at mga resorta.
Sa buong Israel at inookupahan ang West Bank, walang laman ang mga hotel at hindi bababa sa 6 na kumpanya ang huminto sa kanilang paglilibot sa mga pangunahing destinasyon tulad ng Al-Quds at Tel Aviv.
Iminumungkahi ng isang hotelier na sa karamihan ng mga hotel sa Israel ay wala ng laman mula sa kanilang mga customers, isa sa pinakamalaking chain hotel sa Israel, Isrotel, ay nasa bingit ng pansamantalang pagsasara. "Kami ay umaasa sa turismo para sa pamumuhay. Nagkaroon kami ng krisis sa covid at gumaling at naghihintay ng pagbabalik ng mga turista. Ngayon ang sektor ng turismo ay gumuho ng mas matindi pa kaysa Covid19."
Sinabi ni Elyas al-Arja, ang pinuno ng Arab Hotels Union, na 90 porsiyento ng mga hotel sa West Bank ay walang laman. Sa simula ng digmaan, sinabi ng Dan at Isrotel chain hotels, na nagbibigay sila ng mga kuwarto sa mga tumatakas na mga hangganan ng Gaza.
Sa totoo lang, ang pagpapatuloy ng digmaan ay hindi lamang nagdulot ng pagkawasak sa Palestine, kundi pati na rin sa aming mga ekonomiyang sektor sa bansa, ayon sa mga dokumentong ibinigay sa ulat na ito, ang sektor ng turismo ng Israel ay umaanod sa paralisis sa kawalan ng malinaw na mga prospect sa pagtatapos ng digmaan. Isa lamang ito sa maraming pinsalang natamo ng ekonomiya ng Israel mula sa digmaan.
...........................
328