Ipinagdiriwang ng Iran ang anibersaryo ng kaarawan ni Hazrat Zaynab (sa), bilang Araw ng mga Nars

Ang mga Iranian ay minarkahan ang anibersaryo ng kaarawan ni Hazrat Zaynab (sa), ang unang apo ng Propeta ng Islam (saww), at ang Araw ng mga Nars.

Si Zaynab Bint Ali (as), anak nina Ali ibn Abi Talib (as) at si Fatimah al-Zahra (sa), ay ang unang apo ni propeta Muhammad (saww).

Kilala siya sa kanyang matapang at mahusay na tungkulin sa pagsuporta sa kanyang mga kapatid, ang pangalawang Shiah na si Imam Hussein (as), sa panahon ng kanyang pagkamartir sa Labanan ng Karbala, at sa pagprotekta sa kanyang mga pamilya sa mga sumunod na buwan ng pagkakulong mula sa kamay ng mga Umayyad Dinastiya.

Siya at ang kanyang dalawang anak na lalaki ay sinamahan si Imam Hussein (as) sa Kaganapan ng 'Ashura' kung saan ang kanyang dalawang anak na lalaki ay namartir at habang siya naman ay dinala bilang bihag, mula sa Kufa at pagkatapos ay sa Damascus. Ang kanyang mga sermon sa Kufa at sa Damascus (sa harap mismo ni Yazid) ay napakatanyag. Dahil sa dami ng mga idinanas na mahihirap na kaganapan ang nangyayari sa kanya, siya din ay dumanas ng ibat-ibang mga pangyayaring kahirapan dmaan sa kanya, siya ay tinawag na Umm al-Masa'ib (ina ng mga kalamidad).

Ayon sa ilang mga Ahadith, pinangalanan din siya ng Propeta ng Islam, na Zaynab. Sinasabing dinala ni Gabriel (as) ang pangalang ito mula sa Makapangyarihang Diyos sa Propeta (saww). Ang ibig sabihin ng Zaynab ay "isang magandang puno na may magandang halimuyak". Ito ay tambalan din ng dalawang salitang "zayn" (adornment) at "ab" (ama), ibig sabihin ay adornment ng ama.

Kilala din si Hazrat Zaynab (sa) sa mahalagang papel na ginampanan niya noong mga kaganapan sa Karbala noong 61 AH noong siya ay 55 taong gulang. Nasaksihan niya ang pagkamartir ng kanyang sariling mga anak, ng kanyang mga pamangkin, mga kasama, at higit sa lahat ang kanyang minamahal na kapatid na sina Abbas ibn Ali Talib at si Imam Hussein (as).

Ang kanyang matibay na pagpapalaki, pagiging banal, at maharlika ay natiyak na hindi siya mahina sa harap ng kahirapan. Samakatuwid, matapos na walang awang na martir kay Imam Hussein (as), siya ang naging haligi para sa iba pang mga kababaihan at mga bata. Siya, kung gayon, ay nagsisilbing halimbawa ng katatagan, katapangan, kababaang-loob, at lakas para sa ating lahat.

Hinatulan ni Hazrat Zaynab (sa) si Yazid at ang marami sa kanyang mga aksyon, partikular na nakatuon sa kanyang pagtrato sa sambahayan ni Muhammad (saww) sa isang sermon na napakahusay magsalita at nakapagpapaalaala sa gawain sa exegesis ng Quran.

Ang sumusunod ay isang sipi ng sermon na ibinigay ni Hazrat Zaynab (sa) sa looban ng palasyo ni Yazid sa Damascus pagkatapos nilang dalhin bilang mga bilanggo:

"Anuman ang itinuturing mo amin ngayon, bilang isang bounty ay magiging kabayaran din para bukas, kaya anuman ang iyong ipinadala nang maaga ay matatanggap mo, hindi gustuhin ng Panginoong Allah ang pang-aapi sa kanyang mga alipin na nagrereklamo ako sa Kanya at nagtiwala sa Kanya; kaya kahit anong panlilinlang ang gusto mong gawin para sa amin, sige gawin mo; anuman ang mga pagsusumikap at pagsisikap na maaari mong gawin, subukan mo lahat ang mga ito. Sa pamamagitan ng Allah ay hindi mo kailanman maaalis ang aming alaala sa mga puso [ng mga mananampalatayang Muslim], at hindi mo kailanman magagawang sirain ang aming mga isiniwalat; hinding-hindi mo rin mararating ang aming karilagan at kamahalan; hinding-hindi mo rin magagawang hugasan ang pangit na lugar na ito ng paniniil mula sa iyong mga [damit]; at ang iyong opinyon at mungkahi ay hindi wasto at hindi matatag. Ang tagal ng iyong pamumuno ay napakaikli pa ring panahon, at ang iyong pagpupulong ay malapit nang magkalat; sa araw na iyon kung kailan ipahayag ng makalangit na aming sigaw: 'Purihin ang Panginoong mga Daigdig, at nagsisimula—sa kasaganaan at kaligtasan—at ang aming wakas-na may pagkamartir at pagpapala. Ako ay nagsusumamo sa Makapangyarihan Diyos na ipagkaloob sa kanila nina [Imam Hussein (as), ang kanyang pamilya (Sumakanila nawa ang kapayapaan), at ang kanyang mga tapat na kasamahan] ng Kanyang pinakamahusay na kabayaran at nawa'y dagdagan pa [Niya] ang kanilang mga gantimpala. O Ikaw, Na makatarungan at matuwid sa amin, at siyang pinakamaawain sa lahat ng mahabagin, sa Iyo lamang kami nagtitiwala.”

Sa Iran, ang kaarawan ni Hazrat Zaynab (sa) ay ginugunita bilang Araw ng mga Nars dahil sa kanyang mga pagsisikap at sakripisyo sa pag-aalaga ng mga bata tulad ng kanyang pag-alaga sa mga anak ni Imam Hussein (as) na si Ali Zayn al-Abidin [Imam Sajjad (as)] at ang mga nasugatan sa Labanan sa Karbala.

..........................................
328