Ayon sa ulat na iniulat ng Ahensyang Pandaigdigang Balita ng Ahl Al-Bayt (sumakanila nawa ang kapayapaan) -: Balitang ABNA :- Isang ulat mula sa Britanya ang nagsabi, na ang kamakailang pagsalakay ng US laban sa mga Yemeni sa Dagat na Pula (Red Sea) ay nagbago mula sa isang pagpapakita lamang ng puwersa tungo sa isang matingkad na halimbawa ng militar at estratehikong kabiguan ng mga Estados Unidos. Dalawang buwan pagkatapos ng agresyon, na nagkakahalaga ng bilyun-bilyong dolyar ang Estados Unidos, inihayag ng Washington ang isang biglaang tigil-putukan sa digmaan nito nang hindi kinasasangkutan ang Zionistang entidad sa mga negosasyong ito.
Binanggit sa ulat, na ang pagwawalang-bahala ng Amerika tungo sa Zionistang entidad sa kasunduan sa tigil-putukan ay nagdulot ng matinding hindi pagkakasundo ng dalawang bansa (US-Israel), partikular na matapos maglunsad ang mga Yemeni ng sabay-sabay na pag-atake ng missile sa Lod Airport, na kilala sa Israel bilang Ben Gurion Airport. Ito ang nag-udyok sa pananakop ng Israel na tumugon sa pamamagitan ng mga airstrike sa mga Daungan sa Hodeidah at sa mga Paliparan ng Sana'a, na nagpapakita ng kahinaan ng alyansa ng US-Zionista sa pagharap sa axis ng mga paglaban ng mga Ansar’Allah Yemeni.
Ipinaliwanag ng ulat, na ang pag-anunsyo ng US ng pagtigil ng agresyon ay pinagsama ang posisyon ng mga Yemeni bilang isang pangunahing manlalaro ng rehiyon, na may kakayahang maimpluwensyahan ang seguridad sa buong karagatan at ang pandaigdigang ekonomiya sa buong rehiyon. Ipinakita nila na hindi lamang sila isang lokal na puwersang mandirigma, kundi sila ay isang may kapangyarihang pangrehiyon na may kakayahang maglunsad ng mga aling klaseng labanan sa iba't ibang antas na pakikibabaka sa larangan ng kanilang karapatan at sa ngalan ng kanilang sarilin kapatid na mga inaaping Palestino, sa Gaza.
...........
328
Your Comment