Ayon sa ulat na iniulat ng Ahensyang Pandaigdigang Balita ng Ahl Al-Bayt (sumakanila nawa ang kapayapaan) -: Balitang ABNA :- Inihayag ng pinuno ng pediatric department ng Nasser Medical Complex sa Khan Younis,na pinipigilan ng mga mananakop na Zionistas ang pagpasok ng mga espesyal na bakuna para sa mga bata at sanggol sa loob ng Gaza Strip.
Sa isang pahayag mula sa Al Jazeera, inihayag ni Ahmed Al-Farah, na sinira ng mga rehimeng Zionista ang 75 porsiyento ng kapasidad ng mga ospital sa Gaza.
Idinagdag pa niya: "Kami ay nagdurusa mula sa isang sakuna sa kalusugan na naka-target sa mga bata at bagong ipinaganak na sanggol sa loob ng Gaza. Pinipigilan ng mga mananakop ng Zionista ang pagpasok ng mga espesyal na bakuna para sa mga bata sa rehiyong ito."
Ang tagapagsalita para sa Al-Aqsa Martyrs Hospital, sa Gaza ay dati nang nag-ulat tungkol sa kapahamakan na estado ng sistema sa pangangalagang pangkalusugan sa Gaza, na nagsasabing walang gamot o kagamitang medikal ang nakarating sa mga ospital sa Gaza hanggang ngayon.
Binigyang-diin ni Khalil Al-Daqran, sa isang panayam sa Al-Aqsa Network, na ang mga Zionista na mananakop ay nagpapatuloy sa kanilang mga pag-atake nang walang anumang pagsasaalang-alang sa mga internasyonal na batas at kasunduan na nagbibigay-diin sa pangangailangang para protektahan ang mga sentro ng pangangalagang pangkalusugan at mamamayang local na sibilyan at mga bata pati na rin ang mga kababaihan.
Ayon sa tagapagsalita ng Al-Aqsa Martyrs Hospital sa Gaza, ganap na winasak ng sumasakop na hukbo ang Turkish Al-Sadaqa Hospital, na partikular na nagsilbi sa mga pasyente ng cancer, at tinarget din ang espesyal na departamento ng gamot para sa mga pasyente ng Kidney sa Nasser Hospital.
Inilarawan niya ang estado ng sistema ng pangangalagang pangkalusugan sa Gaza bilang sakuna at nanawagan sa internasyonal na komunidad na gampanan ang responsibilidad nito sa mga sibilyan at mga pasyente.
Nauna nang inihayag ng World Health Organization, na nasa 94 porsiyento na ang mga ospital sa Gaza Strip ang nasira bilang resulta ng mga pag-atake at pambobomba ng mga rehimeng Israeli.
Nagbabala na rin ang ahensya ng UN, na ang patuloy na pag-atake at pagkubkob ay nagdala sa sistema ng kalusugan sa Gaza sa ganap na pagbagsak, na lubhang nililimitahan ang access ng mga tao sa mga pangunahing serbisyong medikal.
Nagbabala ang World Health Organization, na sa kabuuang 36 na ang bilang ng mga ospital sa lugar, habang nasa 19 lamang ang gumagana nang bahagya at sa limitadong batayan para sa medical na kagamitan at sapoat na pangangailangan ng gamot at ioba pang mga medical na asistan.
.............
328
Your Comment