Gagahasain ng mga sundalo at Pulis grupong leftist ang mga babaeng muslim

Inalmahan ni Defense Secretary Delfin Lorenzana ang kontrobersiyal na pahayag ng isang militanteng grupo na nangangamba na gahasain umano ang mga babaing Muslim kapag hindi umalis sa battle zone sa Marawi City.

Ayon sa Balitang Ahensiya ng Ahlul-bayt (ABNA24) -Sinabi ni Lorenzana na nagbubuwis ng buhay ang mga sundalo para mapanumbalik ang kapayapaan sa Marawi para pag-isipan pa ng masama ng nasabing militanteng grupo.

Bagama’t hindi naman tinukoy ni Lorenzana ang nasabing grupo ay ang Gabriela na umano’y leftist leaning ang tanging nagbigay ng kontrobersyal na pahayag laban sa mga sundalo at pulis na nakikipaglaban sa Marawi City.

“May personal akong narinig na mga kuwento ng kababaihang mga refugee sa mga evacuation center sa Lanao del Norte at Lanao del Sur matapos ang pananakot ng mga tropa ng gubyerno na gagahasain sila, bilang hinimok kundi ang Pangulong Duterte sa kanyang pampublikong pahayag ,”pahayag ni Gabriela party-list Rep. Arlene Brosas.

Hinamon ni Lorenzana ang nasabing militanteng grupo na maglutang ng ebidensya sa halip na magdadakdak ng walang basehan para siraan ang AFP troop. Sinabi pa ni Lorenzana na masyadong marumi ang pag-iisip ng nasabing militante at makakaliwang grupo sa gitna na rin ng giyera laban sa terorismo para lamang isulong ang kanilang masama at makasariling hangarin.