Si Abu Rami, isang lider ng grupong terorista ng Abu Sayyaf ay napatay matapos nakipag-inkuwentruhan Philippine security forces sa lalawigan ng Bohol.
Ayon sa Balitang Ahensy ng Ahlul-Bayt (ABNA24) Kinumpirma ni Bohol Gov. Edgar Chatto na kabilang sa mga nasawi ang isang pinuno ng Abu Sayyaf nang makaengkwentro ng tropa ng gobyerno kahapon.
Kinilala ang lider na si Muammar Askali, may alyas na Abu Rami, na kasama ng iba pang bandidong grupo na lumusob sa bayan ng Inabanga.
Anim ang nasawi sa Abu Sayyaf, habang apat naman sa hanay ng gobyerno, kabilang ang tatlong sundalo at isang pulis.
Bandang alas-7 ng umaga nang makasagupa ng pinagsanib na elemento ng Army’s 47th Infantry Battalion at ng Bohol Police ang tinatayang 10-11 mga armadong bandido.
Bago ito, ayon sa isang intelligence officer sa AFP sa Central Visayas, nitong Lunes pasado alas-8 ng gabi ay namonitor ng intelligence group ng Army’s 3rd Infantry Division (ID) ang presensya ng mga bandido na pawang armado ng malalakas na kalibre ng armas na dumaong lulan ng tatlong speedboats sa may ilog sa Sitio Ilaya sa Bgy. Napo, bayan ng Inabanga, Bohol.
13 Mayo 2017 - 04:44
News ID: 829446
Si Abu Rami, isang lider ng grupong terorista ng Abu Sayyaf ay napatay matapos nakipag-inkuwentruhan Philippine security forces sa lalawigan ng Bohol.
