Patay sa sakit ang 59 na mga bakwit

Umaabot na sa 59 bakwit buhat sa Marawi City ang namamatay matapos tamaan ng iba’t ibang uri ng sakit.

Inuulat sa Balitang Ahensiya ng Ahlul-bayt (ABNA24) - Ayon kay Department of Health (DOH) Sec. Paulyn Jean Ubial, 19 sa mga nasawi ay nasa mga evacuation camps na dati nang maysakit habang ang iba naman ay nagkasakit sa evacuation center.

Habang ang 40 iba pa ay wala naman sa evacua¬tion centers nang sila ay pumanaw at dehydration naman ang tumama sa kanila.

Sinabi pa ni Ubial, mayroon pang mga eva¬cuees na may mga sakit sa puso, cancer, at ang iba ay sumasailalim sa dialysis matapos na masuri sa mga ospital ng gobyerno.

Sa kasalukuyan ay mayroong 68 evacuation centers ang tinutuluyan ng 20,627 katao o 4,249 na pamilya na pawang nagsilikas mula sa Marawi City.

Ang mga evacuation centers ay nasa Iligan City, Lanao del Norte, Misamis Oriental, at Lanao del Sur.

Bukod dito ay namomonitor din ng DOH ang mga kaso ng gastroenteritis, upper respiratory diseases, diarrhea at skin diseases sa mahigit dalawampung libo (20,000) katao o mahigit apat na libong (4,000) pamilyang nasa evacuation centers.

Pumapalo sa 68 ang evacuation centers sa Iligan City, Cagayan de Oro City at Lanao del Sur na siyang mayroong pinakamalaking bilang ng evacuees.

Araw-araw aniyang nagsasagawa ng pagsusuri ang mga doktor at health workers sa mga lumikas na residente para matugunan ang pangangailang medikal ng mga ito.