Dumaranas ng traumatic mental disorder ang higit sa 2,500 Bakwit sa Marawi

Sa report na nakalap sa Office of Civil Defense (OCD) ARMM, , ipinarating ni Lanao del Sur Provincial Health Officer Dr. Alinader Minalang na sa kanilang pagsusuri ay nadiskubre na nasa 2,500 mga bakwit o evacuees na matindi ang traumang pinagdadaanan.

Ayon sa Balitang Ahensiya ng Ahlul-bayt (ABNA24) – ang Dahilan sa matinding depresyon, dumaranas ng traumatic mental disorder ang nasa 2,500 mga bakwit o evacuees na napilitang lisanin ang kanilang tahanan matapos na sumiklab ang giyera sa pagitan ng tropa ng pamahalaan at ng Maute-Islamic State of Iraq and Syria(ISIS) kung saan pumalo na sa 39 araw ang krisis.

Sa report na nakalap sa Office of Civil Defense (OCD) ARMM, , ipinarating ni Lanao del Sur Provincial Health Officer Dr. Alinader Minalang na sa kanilang pagsusuri ay nadiskubre na nasa 2,500 mga bakwit o evacuees na matindi ang traumang pinagdadaanan.

Ang Provincial Crisis Committee ay nagpatawag ng pagpupulong upang matugunan ang problema sa mga siksikang evacuation centers kung saan nagkakasakit na ang mga bakwit.

Nabatid na karamihan sa mga dumaranas ng mental disorder ay mga kababaihan mula sa iba’t-ibang evacuation centers sa Lanao Provinces gayundin sa Iligan City.

Labis umanong dinaramdam ng mayorya sa mga biktima matapos na mamatayan ng mga mahal sa buhay at mawasak ang mga bahay at iba pang mga ari-arian.

Ang mga evacuees ay sumasailalim sa stress de briefing at iba pang uri ng medikasyon upang mapanumbalik ang katinuan ng kanilang mga pag-iisip at hindi ito mauwi sa kanilang tuluyang pagkabaliw.

Samantala, nasa 28 evacuees naman ang kumpirmadong nasawi matapos na dapuan ng iba’t-ibang karamdaman kabilang ang walong bata na nagkaroon ng diarrhea.Nabatid na bukod sa diarrhea na tumama sa mga biktima ay ang dinapuan rin ang iba pa ng stroke, kidney failure at iba pa.

Simula ng maganap ang krisis noong Mayo 23 , naitala sa 303 Maute-ISIS terrorists ang nasawi, 82 naman sa panig ng security forces at 44 sibilyan.