Ahensyang Balita ng AhlulBayt

pinagmulan : PressTV
Sabado

11 Marso 2023

3:51:00 AM
1351548

Iran at Saudi Arabia ay sumang-ayon para ipagpatuloy ang diplomatikong relasyon nito at buksan muli ang mga embahada

Iran at Saudi Arabia ay sumang-ayon para ipagpatuloy ang diplomatikong relasyon nito at buksan muli ang mga embahada

Ang Kalihim ng Supreme National Security Council (SNSC) ng Iran, si Ali Shamkhani, ang national security adviser ng Saudi Arabia naman ay si Musaid Al Aiban, at ang direktor ng Office of the Central Foreign Affairs Commission ng Chinese Communist Party, na si Wang Yi ay dumalo sa isang seremonya sa Beijing noong Marso 10, 2023 para lagdaan ang magkasanib na pahayag sa pagpapanumbalik ng ugnayan sa pagitan ng Iran at Saudi Arabia.

Ayon sa Ahensyang Balita ng Ahl al-Bayt (AS) - Balitang ABNA  -  Ang Iran at Saudi Arabia sa kabisera ng Tsina sa Beijing para ibalik ang kanilang diplomatikong relasyon at muling buksan ang mga embahada at diplomatikong misyon, pitong taon matapos maputol ang kanilang relasyon dahil sa ilang mga isyu.

Natupad ang kasunduan noong Biyernes, pagkatapos ng ilang araw na masinsinang negosasyon sa pagitan ng Kalihim ng Kataas-taasang Pambansang Seguridad ng Iran (SNSC), na si Ali Shamkhani at ng kanyang katapat naman Saudi sa Beijing. Ito ay opisyal na inihayag sa isang pinagsamang pahayag ng Iran, Saudi Arabia at China.

Ang pahayag ay pinirmahan nina Shamkhani, Musaid Al Aiban, tagapayo ng pambansang seguridad ng Saudi Arabia, at si Wang Yi, ang direktor ng Opisina ng Central Foreign Affairs Commission ng Chinese Communist Party.

Si Shamkhani ay kasangkot sa masinsinang pakikipag-usap sa kanyang Saudi counterpart sa Beijing mula noong Lunes upang makahanap ng pangwakas na solusyon sa mga isyu sa pagitan ng Tehran at Riyadh. Ang mga negosasyon ay kasunod ng pagpupulong sa pagitan ni Iranian President Ebrahim Raeisi at ng kanyang Chinese counterpart, na si Xi Jinping sa Beijing noong nakaraang buwan.

"Bilang resulta ng mga pag-uusap nito, ang Islamikong Republika ng Iran at ang Kaharian ng Saudi Arabia ay sumang-ayon na ipagpatuloy ang diplomatikong relasyon at muling buksan ang mga embahada at misyon sa loob ng dalawang buwan," sinabi ng magkasanib na pahayag.

Idinagdag pa nito, na ang mga ministrong panlabas ng Iran at Saudi ay magpupulong upang "ipatupad ang desisyong ito at gawin ang mga kinakailangang pagsasaayos para sa pagpapalitan ng mga embahador ng nasabing dalawang bansa."

...........................

328