Ayon sa BAlitang Ahensya ng Ahlul-Bayt (ABNA24) – Inamin ni Pangulong Rodrigo Duterte na may mga namamatay sa kaniyang kampanya laban sa ilegal na droga ngunit kaagad dumipensa na hindi niya inuutos ito.
“Totoo ‘yang may namatay, anak ng jueteng. Ano ba namang giyera sa droga na walang namatay? Pero not in the character and kind that I was dished out,” pahayag ni Duterte.
“‘Di naman ako mag-utos ng ganu’n pati bata — kalokohan. Kilala ninyo naman ako,” dagdag niya.
Sinabi ito ng Pangulo kasunod ng mga paratang ng extrajudicial killings ng kaniyang administrasyon at dahil na rin sa kababasura lamang na impeachment complaint na inihain ni Magdalo Rep. Gary Alejano.
Aniya wala namang napapatunayan sa dami na ng mga imbestigasyon sa kaniya.
“Look I was investigated by the Human Rights when (Sen. Leile) De Leila was still the chairman. Then I was investigated again when she was the Justice secretary, then I was investigated again by the Senate and I was investigated again by the House, ano pa bang gusto nila?” wika ng pangulo.
Samantala wala naman pakialam si Duterte sa kanila.
pinagmulan : ABNA24
Sabado
20 Mayo 2017
2:28:04 PM
830808
Inamin ni Pangulong Rodrigo Duterte na may mga namamatay sa kaniyang kampanya laban sa ilegal na droga ngunit kaagad dumipensa na hindi niya inuutos ito.