Si Osama Hamdan, ay isang kumakatawan mula sa Opisyal ng mga Hamas, nakabase sa Lebanon, ay gumawa ng mga pahayag sa isang press conference noong Lunes sa Beirut, na nagsasabing, "Itinuturing namin ang pagsalakay laban sa Rafah, na puno ng mga taong lumikas, isang kriminal na hakbang ginagawa ng mga Zionista sa interes ni Netanyahu."
Idinagdag pa niya, na ang pag-atake at paglusob laban sa Rafah ay binalak ng punong ministro ng Israel, si Benjamin Netanyahu, upang pagsilbihan ang kanyang sariling mga personal na interes at pigilan ang pagtigil ng pagsalakay ng mga rehimen laban sa teritoryo sa baybayin.
Inutusan din ni Netanyahu ang militar ng Israel noong Biyernes, para maghanda na ilikas ang mga sibilyan mula sa Rafah bago ang isang nakaplanong operasyon sa lupa laban sa nasabing lungsod. Ang mga organisasyon ng tulong, gayunpaman, ay nagsasabi, na ang gayong hakbang ay halos imposible, dahil sa laki ng pagkawasak sa ibang mga lugar sa Gaza at sa malaking bilang ng mga taong nakulong sa kinubkob na lugar.
Ang nakaplanong pagsalakay ng Israel ay dumating nang higit sa 1.4 milyong katao, halos limang beses ang karaniwang populasyon ng Rafah, ay tumakas mula sa lungsod sa gitna ng genocide ng rehimeng Zionista laban sa buong Gaza, na pumatay ng mahigit sa 28,300 mga mamamayang Palestino mula nang magsimula ito noong Oktubre 7, 2023.
Sinabi pa ni Hamdan, na ang Israeling rehimen ay punung-puno na ng kasinungalingan, lalong-lalo na ang punong ministrong "kriminal ng Nazi" nang sabihin niyang ang planong pagsalakay laban sa Rafah ay naglalayong sirain ang tinatawag niyang mga brigada ng mga Hamas naruroon.
"Siya ay nagsasalita, parang ang kanyang talunan, sirang hukbo ay nagtagumpay sa pagbuwag sa mga mandirigmang paglaban ng Hamas sa ibang bahagi ng Gaza Strip, habang ang katotohanan ay kung ano ang pinapanood ng mundo," iginiit pa ng opisyal ng Hamas.
Idinagdag pa niya, na ang rehimeng terorista ni Netanyahu at ang hukbong Nazi nito ay binabalewala ang desisyon ng International Court of Justice (ICJ), na nanawagan sa Israel dalawang linggo na ang nakakaraan na gumawa ng mga kagyat na hakbang upang ihinto ang mga pagkilos ng genocide laban sa mga mamamayang Palestino, sa Gaza.
Sinabi ni Hamdan, na ang mga aksyon na ginawa ng rehimeng Israeli ay nagpapatunay sa "pagiral ng isang naunang layunin at sinasadyang layunin para gawin ang krimen ng genocide ni Netanyahu."
Sinabi ng kinatawan ng Hamas, na nagbanta si Netanyahu na aatakehin ang mga sibilyan laban sa Rafah, na sumilong sa mga paaralan, sa mga kalsada, at sa mga bukas na lugar sa ilalim ng miserableng mga kondisyon.
Sinabi niya, na ang mga tao sa Rafah ay sumailalim sa brutal na pambobomba sa loob ng daan-daang araw, na ikinamatay ng marami sa kanila, "sa kabila ng mga pag-aangkin ng Zionistang entidad at ng administrasyong Amerikano, na ang Rafah ay isang ligtas na lugar."
Iginiit pa niya, na bilang karagdagan sa Israel, ang administrasyon ng Estados Unidos at ang Presidente nitong si Joe Biden ay may buong responsibilidad para sa masaker na ito dahil sa walang pigil at tigil na suporta na ibinibigay nila para kay Netanyahu sa pamamagitan ng pagbibigay sa kanyang rehimen ng pera, armas, at suportang pampulitika upang ipagpatuloy ang kanyang digmaan ng genocide at mga patayan laban sa mga lokal na Palestinong sibilyan.
Nanawagan din si Hamdan sa mga Arab League, Organization ng Islamikong Kooperasyon, at sa United Nations Security Council, na magsagawa ng madalian at seryosong aksyon upang pigilan ang mga Israeli Kriminal sa paggawa ng genocide nito laban sa mga mamamayang Palestino sa Rafah at itigil ang patuloy na pagsalakay nito laban sa Gaza.
.........
328
