Kumpirmado na may mga dayuhang terorista mula sa Indonesia, Malaysia at Singapore na umayuda sa grupo ng teroristang Maute sa giyera sa Siyudad ng Marawi. Ibig sabihin, seryosong problema ito at hindi ubrang maliitin.
Ayon sa Balitang Ahensya ng Ahlul-bayt (ABNA24) - Siguro, kailangan nang magpadala na rin ng puwersa ang mga bansang Indonesia, Malaysia at Singapore para tugisin ang kanilang mga kababayang naghahasik ng lagim sa Pilipinas. Iyan naman ay kung maglulubha pa ang situwasyon at hindi makayanan ng ating militar ang pagsagupa sa mga terorista roon. Ngunit tila maganda naman ang resulta sa mahigit na isang linggong bakbakan ng militar at grupong Maute-ISIS.
Ayon sa militar at Malacañang, malaking porsyento ng bahagi ng Marawi na nasakop ng Maute-ISIS ang kon¬trolado na ng puwersa ng gobyerno. Pero sinasabi na mukhang hindi nauubusan ng bala at kumpleto sa mo¬dernong sandata ang Maute. Halatang may dayuhang mag-papanding at mag-susuporta sa mga ito.
Nanawagan na ang Malacañang sa grupong Maute na sumuko na, ibaba ang kanilang armas at tapusin na ang paghahasik ng terorismo sa Siyudad ng Marawi, ayon kay Pre¬sidensyal Taga-pagsalita Ernesto Abella. Naunang sinabi ni B/Gen. Restituto Padilla sa Oras Mindanao kamakalawa na malapit na nilang ‘matalo’ ang grupong Maute. Sana.. Sana nga…
Tingin ko, relihiyosong digmaan na ito dahil ang mga hindi Muslim, gaya ng mga Kristiyano ay pinapatay. Dapat nang matuldukan ang karahasang ito para maalis na rin ang ideneklarang martial law sa rehiyon. Malaki ang salpukan sa ekonomiya ng bansa ang batas militar. Nahahadlangan ang pagpasok ng pamumuhunan.
31 Mayo 2017 - 20:39
News ID: 833371
Kumpirmado na may mga dayuhang terorista mula sa Indonesia, Malaysia at Singapore na umayuda sa grupo ng teroristang Maute sa giyera sa Siyudad ng Marawi. Ibig sabihin, seryosong problema ito at hindi ubrang maliitin.
