Dumaranas umano ng matinding trauma ang libu-libong mga mag-aaral sa lungsod ngMarawi dulot ng nagaganap na bakbakan sa pagitan ng tropa ng militar at ng Maute-Islamic State of Iraq and Syria (ISIS ) na pumalo na sa ika-12 araw ang krisis.
Ayon sa Balitang Ahensiya ng Ahlul-bayt (ABNA24) - Bunga nito, tiniyak ng Department of Education (DepEd) at Department of Health (DOH) na pagkakalooban nila ng psychosocial assistance ang mga magaaral mula sa siyudad ng Marawi.
Naniniwala si Education Secretary Leonor Briones na malaki ang maitutulong ng naturang psychosocial support sa public elementary at high school students mula sa siyudad ng Marawi, upang makabawi mula sa trauma na hatid sa kanila ng kaguluhan sa kanilang lugar.
Ilan umano sa mga aktibidad na maaaring makabilang sa psychosocial assistance intervention ay sayawan at iba pang mga physical activities upang makalimutan kaagad ng mga bata ang trahedyang naganap sa kanilang lungsod.
Sinabi ng kalihim na humingi na sila ng tulong sa DOH para sa naturang aktibidad, na mabilis namang sumang-ayon at sinabing may mga personnel na silang ipinadala sa mga lungsod ng Marawi at Iligan upang magkaloob ng psychosocial support.
Samantala, ipinagpaliban naman ng DepEd ang pagbubukas ng klase sa lungsod ng Marawi at walong distrito sa Lanao del Sur sa loob ng dalawang linggo bunga ng kaguluhan sa lugar.
3 Hunyo 2017 - 22:35
News ID: 834034
Dumaranas umano ng matinding trauma ang libu-libong mga mag-aaral sa lungsod ngMarawi dulot ng nagaganap na bakbakan sa pagitan ng tropa ng militar at ng Maute-Islamic State of Iraq and Syria (ISIS ) na pumalo na sa ika-12 araw ang krisis.
