Kalaban ng gobyerno ‘di mananalo – Digong

Ito ang ipinagmalaki ng Pangulo sa pagbisita nito kahapon sa 1st Mecha¬nized Infantry Brigade sa Camp Leono, Tacurong City, Sultan Kudarat.

Ayon sa Balitang Ahensiya ng Ahlul-bayt (ABNA24) - Tiniyak ni Pangulong Duterte na hindi mana¬nalo ang mga kalaban ng gobyerno kahit ano pa ang gawin ng mga ito.

Ito ang ipinagmalaki ng Pangulo sa pagbisita nito kahapon sa 1st Mecha¬nized Infantry Brigade sa Camp Leono, siyudad ng Tacurong, Sultan Kudarat.

“Ang sambayanang Pilipino sa likod mo (Sundalo). Pinupuri ko kayo sa paggawa ng isang sakripisyo sa linya ng tungkulin, ',” sabi ng Pangulo sa mga sundalo.

Sabi ni Duterte, ka¬yang-kaya ng gobyerno na durugin ang mga kalaban sa loob lamang ng 2 araw pero hindi ito magawa dahil may sinusunod na batas ang pamahalaan.

“Kung hindi dahil sa katunayan na kami ay napapailalim sa mga patakaran, maaari kong patagin ang Marawi loob ng 2 araw. Sa 24 na oras, tapos ‘yan,” dagdag pa ng Pangulo.

“Bilang makuha muli natin ang Marawi, nananawagan ako sa ating mga tropa na manatiling matatag sa pagprotekta sa ating mga tao.

Nasasaktan Ako sa tuwing ang isang Pilipino ay namatay. Ako ang president para sa kapayapaan,” paliwanag pa ni Duterte sa mga sundalo.

Idinagdag pa ng Pa¬ngulo, pinayagan daw kasi ng mga Maranao na pumasok ideolohiyong korupsyon ng mga ektremisto na grupong Maute sa siyudad ng Marawi kung saan ay mayroon pang mga dayuhang terorista na kasama ang nasabing grupo na naghasik ng terorismo sa lungsod.

Hinikayat din ni Du¬terte ang mga miyembro ng New People’s Army (NPA) na ibaba ang ka¬nilang armas at sumuko sa pamahalaan para ma¬ging sundalo na lamang sila ng pamahalaan.

Idinagdag pa ni Du¬terte, pera ng droga ang ginagamit na pondo ng Maute sa kanilang inilun¬sad na te¬rorismo sa siyudad ng Marawi dahil wala namang malaking pondo na ipinapadala ang ISIS sa kanila bagkus ay kay Ma. Christina Nobleza ipinapadala.

Samantala, siniguro din ng Pangulo sa mga sundalo na huwag silang mag-alala sa magiging kinabukasan ng kanilang mga anak dahil mayroong siguradong P20-B para sa edukasyon ng mga anak ng sundalo.

Nagbiro pa si Pa¬ngu¬long Duterte sa mga sundalo na huwag lamang silang lalapit sa kanya kapag nademanda ng ‘bigamy’.
“Kapag nademanda kayo ng bigamy, huwag kayong lumapit sa akin. Pareho tayo ng kasalanan,” dagdag pa ng commander-in-chief.