Ang atake sa Marawi ay talagang planado

Sinabi ni AFP spokesman B/Gen. Restituto Padilla, may nakuha silang mga dokumento, video at ebidensiya na magpapatunay na mayroong mas ma-laking planong terorismo ang Maute at Hapilon sa paglusob sa Marawi City.

Ayon sa Balitang Ahensiya ng Ahlul-Bayt (ABNA24) – Naniniwala ang Armed Forces of the Philippines (AFP) na mayroong mas malaking plano ang Maute group at Abu Sayyaf leader Isnilon Hapilon batay sa dokumento at ebidensiyang nakuha ng military sa ginawang mga operasyon sa Marawi City.

Sinabi ni AFP spokesman B/Gen. Restituto Padilla, may nakuha silang mga dokumento, video at ebidensiya na magpapatunay na mayroong mas ma-laking planong terorismo ang Maute at Hapilon sa paglusob sa Marawi City.

“Kagabi, nakikita natin ang dahilan kaya sinabi natin na lahat ang mga ito ay talagang malaking planado ginawa ditoTalagang planado talaga at ito rin ay nakikita natin--- sinasadya talaga na gumagawa ng karahasan dito sa siyudad ng Marawi.

Itong inpormasyon ay mula mismo sa mga maraming materiyalista at mga dokumento nareber natin mula sa mga areas at ito ay ipagpatuloy natin pag-aaralan ng mabuti at alamin,” wika ni Padilla.

Naniniwala rin ang AFP na malaking dagok sa Maute-ISIS ang pagkakaaresto kay Cayamora Maute, ang ama ng mga nag-kakapatid na Maute.
Sa pamamagitan umano ni Cayamora, maaari nilang malaman ang mga plano pang karahasan at terorismo ng kanyang mga anak at ng grupo ni Hapilon.

Aniya, nagpapasalamat ang AFP na nahadlangan kaagad ng mga awtoridad ang mas malaking planong ito ng Maute at Hapilon kaya sinisimulan na nila na ibalik sa normal ang Marawi City.

Wika pa ng AFP official, ang mundo ng mga terorista ay unti-unti nang lumiliit pero ang kanilang pakikipaglaban ay nagiging matatag.