Sangkot sa Marawi attack aarestuhin ang 200 katao

Nakatakdang arestuhin ng Armed Forces of the Philippines (AFP) ang mahigit 200 indibidwal kabilang ang mga miyembro at lider ng reroristang grupo Maute gayundin ang mga pulitiko na nasa kanilang listahan kaugnay sa pag-atake sa siyudad ng Marawi noong Mayo 23.

Balitang Ahensiya ng Ahlul-bayt (ABNA24) -Ayon kay AFP Chief of Staff Gen. Eduardo Año, nasa mahigit 200 personalidad na sangkot sa rebelyon ang nasa arrest order na inisyu ni Defense Secretary Delfin Lorenzana, martial law administrator.

“Kami ay tunay na ngayon magpapatupad ng bahagi ng warrant arest sa mga taong ito ,” ayon pa sa Chief of Staff na tumatayo ring implementor ng batas militar na inisyu ni Pangulong Rodrigo Duterte.
Una nang nasampulan ng arrest order ay si Ca¬yamora Maute, ama ng magkapatid na lider ng Maute-ISIS (Islamic State of Iraq and Syria) na sina Omar at Abdullah Maute at ang dating alkalde ng Marawi City na si Fahad Salic na dati ring asawa ng actress na si Alma Moreno na nasakote sa magkakahiwalay na checkpoint operations sa Davao City at Misamis Oriental kamakalawa.

Sinabi ni Año na ang may-ari ng bahay kung saan nagpulong ang mga lider ng Maute terror group at ang Emir ng ISIS na si Abu Sayyaf Group Commander Isnilon Hapilon ay kabilang rin sa mga darakpin sa kasong rebelyon na humantong sa trahedya sa krisis sa siyudad ng Marawi.
Ibinulgar ni Año na ang kumalat na video hinggil sa planong paghahasik ng te¬rorismo sa pagpupulong nina Hapilon, ng magkapatid Maute at iba pa ay para sa mga lider ng ISIS sa Gitnang Silangang.

Hindi na nakaabot sa mga lider ng ISIS ang nasabing video matapos itong makumpiska ng tropa ng pamahalaan sa kasagsagan na rin ng bakbakan at clearing operations sa kalunsuran ng Marawi City.

Inihayag pa ni Año na sina Hapilon at mga tagasunod nito ang nagplano ng pag-atake sa Marawi City na target sana ng mga itong okupahin sa unang Araw ng Ramadan noong Mayo 26 kung hindi nagresponde at nakabakbakan ang security forces.