Malaki ang hinala ng militar na posibleng may nakalusot na miyembro ng Maute terrorist group na humahalo sa mga bakwit sa Iligan City o Cagayan de Or City.
Ayon sa Balitang Ahensiya ng Ahlul-bayt (ABNA24) - “Kung may miyembro na ng Maute na nasa Iligan. Hindi po natin dine-deny na maaaring merong iilan na nakalusot sa patuloy na pag-alis ng ilang mga evacuees sa Marawi papunta sa ibang karatig lugar tulad ng Iligan at Cagayan De Oro.
So itong mga individual na ito, maaring nakalusot at hindi sila naproseso at nakita na maaaring naging miyembro,” wika ni B/Gen.
Restituto Padilla sa Mindanao Hour briefing kahapon sa Malacañang.
Hiniling nila ang pakikipagtulungan ng local government pati ang mga security sector partners na paigtingin ang mahigpit na seguridad sa dalawang lungsod at mapagmatyag sa mga taong kahina-hinala ang kilos upang sa ganun ay maging ligtas ang komunidad.
Tiniyak naman na mahigpit na binabantayan ng mga sundalo at pulis and karatig lungsod ng Marawi City upang hindi makapaghasik ng terorismo ang Maute group kung sakaling nakalusot ang mga ito sa checkpoint at sumabay sa mga evacuees na umalis ng Marawi.
18 Hunyo 2017 - 00:13
News ID: 837123
Malaki ang hinala ng militar na posibleng may nakalusot na miyembro ng Maute terrorist group na humahalo sa mga bakwit sa Iligan City o Cagayan de Or City.
