Nasa 23 sibilyan ang hinostage nang atakehin ng Bangsamoro Islamic Freedom Fighters (BIFF) kahapon ng umaga ang isang paaralan at Cafgu detachment, Brgy. Ma¬lagakit, Pigkawayan, Hilagang Cotabato.
Inuulat ng Balitang Ahensiya ng Ahlul-bayt (ABNA24) - Ayon kay Captain Arvin Encinas, Spokesman ng Army’s 6th Infantry Division (ID), bandang alas-6:00 ng umaga nang umatake ang BIFF sa pamumuno nina Comman¬ders Abunawas Damiog, Abu Zaiden, Abu Sala at Agila.
Pinaulanan ng bala ng BIFF members ang Cafgu Detachment sa Brgy. Simsiman at nang magresponde ang Army’s 34th Infantry Battalion (IB) ay nagsagawa ng blocking operations laban sa BIFF members.
Dahil sa naiipit na ay pinasok ng BIFF members ang Malagakit Elementary School at dito ay binihag ang 23 sibilyan upang gawing panangga sa kanilang pagtakas at nakabakbakan ang mga sundalo.
Sa paglusob ng BIFF sa Pigkawayan ay nagsilikas sa kanilang mga bahay ang nasa 901 sibilyan upang hindi maipit sa bakbakan tulad ng nangyari sa Marawi City.
Hanggang isinusulat ang balitang ito ay hawak pa rin ng BIFF ang kanilang 23 bihag.
Ang pag-atake ay una nang napaulat na may plano ang BIFF na sumaklolo sa Maute-Islamic State of Iraq and Syria (ISIS) na nakabakbakan ng tropang gobyerno sa Marawi City.
21 Hunyo 2017 - 23:09
News ID: 838014
Nasa 23 sibilyan ang hinostage nang atakehin ng Bangsamoro Islamic Freedom Fighters (BIFF) kahapon ng umaga ang isang paaralan at Cafgu detachment, Brgy. Ma¬lagakit, Pigkawayan, Hilagang Cotabato.
